Տեղեկատվություն դասընթացի վերաբերյալ

Այս դասընթացը նպատակ ունի աջակցել ուսուցիչներին, վարչական անձնակազմի և կրթական ոլորտի մասնագետներին ապահով, ներառական և ֆիզիկապես ու հուզականորեն անվտանգ կրթական միջավայր ձևավորելու գործում։

Դասընթացը բաղկացած է 4 փոխկապակցված թեմաներից, որոնք համատեղ տրամադրում են տեսական գիտելիքներ, գործնական մոտեցումներ և կիրառելի գործիքներ՝ անվտանգ կրթության ապահովման համար։

Մասնակիցները կծանոթանան դպրոցական միջավայրում վտանգների տեսակներին, ռիսկերին արձագանքման մեխանիզմներին, ճգնաժամային իրավիճակների կառավարման հմտություններին, ինչպես նաև կներգրավվեն դպրոցական միջավայրում հոգեբանական բարեկեցության, ներառականության և համագործակցության խթանման գործընթացներում։

Դասընթացի ավարտին ուսուցիչները կկարողանան․

• բացահայտել և գնահատել դպրոցական միջավայրում առաջացող ռիսկերն ու վտանգները,

• մշակել անվտանգության պահպանումն ապահովող քայլեր,

• կիրառել դասարանում և դպրոցում անվտանգ հաղորդակցման ու համագործակցության մեթոդներ,

• ստեղծել հոգեբանական և սոցիալական առումով աջակցող միջավայր,

• իրականացնել կանխարգելիչ և արագ արձագանքման գործողություններ արտակարգ իրավիճակների դեպքում։

Նյութը կառուցված է հակիրճ տեսանյութերի, գործնական օրինակների, վերլուծությունների և հանձնարարությունների շուրջ, ինչը հնարավորություն է տալիս հեշտ և ճկուն ձևով յուրացնել թեմաները։