Գնահատման մեթոդաբանությունը

Մեթոդաբանությունը բնութագրում է. 

  • գնահատման հիմնական նպատակները, խնդիրները, սկզբունքները և գործառույթները, 

  • սովորողների ուսումնական գործունեության ընթացքի և արդյունքների գնահատումը կարգավորող սկզբունքները, մոտեցումները, մեթոդները, 

  • գնահատման տեսակները և ստուգման ձևերը: 

Նպատակը 

Ուսումնառության արդյունքների գնահատման նպատակն է՝ որոշել սովորողի կարողունակությունների զարգացման աստիճանը՝ ըստ ուսումնական առարկաների չափորոշիչներով և ծրագրերով սահմանված վերջնարդյունքներին համապատասխան ձեռք բերած գիտելիքների, հմտությունների, դիրքորոշումների ու արժեքների ձևավորման աստիճանի:  

Խնդիրները 

  • գնահատման տարբեր ձևերի և տեսակների համակարգված կիրառման միջոցով հնարավորություն տալ սովորողներին առավելագույնս ցուցաբերել իրենց գիտելիքները, կարողությունները և հմտությունները, 

  • գնահատման չափանիշների հստակեցման միջոցով բարելավել ուսուցման գործընթացի արդյունավետությունը, 

  • ձևավորող գնահատման կանոնակարգման շնորհիվ ավելացնել սովորողների հետաքրքրությունն ուսուցանվող առարկաների նկատմամբ և բարձրացնել ուսումնառության արդյունավետությունը, 

  • խթանել սովորողի ինքնաճանաչման, ինքնազարգացման և ինքնագնահատման կարողությունների զարգացումը, նպաստել  նրա անձնային որակների  և դիրքորոշումների ձևավորմանը , , 

  • բարձրացնել  ուսուցիչների պատասխանատվության և մասնագիտական պատրաստվածության աստիճանը: