Հովհաննես Թումանյան
«Անուշ» պոեմը
Դասընթացի նպատակները՝
Հասկանալ «Անուշ» պոեմի գաղափարական, բարոյահոգեբանական և գեղարվեստական արժեքները՝ բացահայտելով սիրո և պատվախնդրության հակադրությունը, մարդու ներաշխարհի և հասարակական նորմերի բախումը։
Դասընթացի խնդիրները՝
-
Ներկայացնել Հովհաննես Թումանյանի ստեղծագործական աշխարհը և «Անուշ» պոեմի ստեղծման պատմությունը։
-
Վերլուծել պոեմի հիմնական կերպարները՝ Անուշ, Սարո, Մոսի։
-
Բացահայտել պոեմի հիմնական գաղափարը՝ սիրո, պատվախնդրության և գյուղական սովորույթների բախումը։
-
Ուսումնասիրել պոեմի լեզվաոճական և գեղարվեստական առանձնահատկությունները։
պոեմը Հ.Թումանյանի ստեղծագործության գլուխգործոցն ու հայ բանաստեղծության զարդապսակն է: Պոեմի նյութը վերցված է հայ հին,դեռ նահապետական կենցաղով ապրող գյուղի կյանքից:Բանաստեղծը պոեմում պատկերում է գյուղացիների ապրելակերպը, կենցաղը, սովորույթները, հավատալիքները,մտածումները,ձգտումներն ու երազանքները, ինչպես նաև հայրենի բնաշխարհն իր լեռներով, անտառներով,կիրճերով և այլն: Թումանյանը պոեմում մի կողմից բացահայտում ու քննադատում է հայ գյուղի խոցերն ու արատները, նահապետական կյանքի հետամնացությունը, խավարամտությունը, մյուս կողմից դրվատում է այդ միջավայրից վեր խոյացող և խեղդուկ կապանքներին հակադրվող հերոսներին, նրանց մարդկային բարձր արժանիքները, երգում է անաղարտ ու հավերժացող սերը, որ գեղեցկացնում ու ազնվացնում է մարդու հոգին:
- Դասախոս: Հասմիկ Ծաղկյան