Խաղային մեթոդների ներդրումը ուսուցման գործընթացում

                                                                           Նախաբան

   Ժամանակակից կրթական գործընթացը ձգտում է լինել ոչ միայն արդյունավետ, այլև գրավիչ ու մոտիվացնող սովորողի համար։ Այդ նպատակով կարևոր է կիրառել ուսուցման այն մեթոդները, որոնք խթանում են սովորողի ակտիվ մասնակցությունն ու հետաքրքրությունը։ Խաղային մեթոդները ոչ միայն միջոց են դասը հետաքրքիր դարձնելու համար, այլ նաև ուժեղ գործիք՝ գիտելիքի ամրապնդման, համագործակցության զարգացման և ստեղծագործական մտածողության խթանման համար։

Այս դասընթացը ուղղված է ուսուցիչներին աջակցելու խաղային մեթոդների ընտրության, նախագծման և կիրառման հարցում՝ դասավանդման տարբեր փուլերում և տարբեր առարկաներում։ Այն նպատակ ունի վերափոխել սովորական դասընթացը դեպի ավելի ներգրավող, մոտիվացնող և արդյունավետ ուսուցում։

                                                              Դասընթացի նպատակը

  Արդյունավետ  կերպով ներկայացնել ուսուցիչներին խաղային մեթոդների կիրառման հնարավորությունները և առավելությունները դասավանդման գործընթացում՝ նպատակ ունենալով բարձրացնել սովորողների մոտիվացիան, մասնակցությունը և ուսուցման որակը:

                                                              Դասընթացի խնդիրները

  • Ներկայացնել խաղային մեթոդների տեսական հիմքերը և դիդակտիկ արժեքը:

  • Ցուցադրել խաղերի տեսակները (կրթական, մրցակցային, համագործակցային և այլն) և դրանց դերը տարբեր առարկաների դասավանդման մեջ:

  • Քննել խաղերի կիրառման ազդեցությունը սովորողների ներգրավվածության, ուշադրության և քննադատական մտածողության զարգացման վրա:

  • Առաջարկել կոնկրետ խաղային տեխնիկաներ և գործիքներ՝ կիրառելի տարբեր տարիքի և կարողությունների սովորողների համար:

  • Զարգացնել ուսուցիչների կարողությունը՝ ստեղծելու և արդյունավետ կերպով կիրառելու խաղային տարրեր դասապրոցեսում:

  • Ստեղծել պայմաններ փորձի փոխանակման և համագործակցային քննարկման համար՝ հիմնված մասնակիցների փորձի վրա:

  • Վերլուծել խաղային մեթոդների կիրառման հնարավոր դժվարություններն ու առաջարկել լուծումներ: 

  •  Թիրախային խումբ

    Հանրակրթական դպրոցների տարբեր առարկաների ուսուցիչներ։

     Դասընթացի տևողությունը- 4 շաբաթ                                                                                                            Ձևաչափը՝   առցան   

  • Դասընթացի ընթացքում կունենանք մի քանի տեսահանդիպումներ։